الفجر

[size=24] [center][b]

نفسى قمحى يبقى عيشى
لو هجوع واقول ما فيشى
بس هاكل من دراعى
صوتى يطلع من دماغى
نفسى ما ابقاش طرمخاوى
وصوتى يعلا بالغناوى
أصل جدى كان بيزرع
أصل جدى كان بيقلع
كل همه من جزوره
ويا فاسه وسط أرضه
لما كانت هيه عرضه
هيه مستقبل ولاده
كان بيرسم فى الخطوط
خط أسمر ..
خط أبيض ..
خط أحمر..
كان بيطرح فوق خطوطه
زرع أخضر
كان بغمس لقمته جلوين ومش
ولا كان يزوق كلمته
بخداع وغش
ولا له يا عالم غير حريمه
وأهل بيته
…

[ قراءة كاملة ]

أصله مولد صاحبه غايب
كل واحد خدله نايب
اللى سدر..
واللى ورك
واللى نايم ..
أصله خايب ...
خد صابونه
كل أكله جبنه حادقه ..
أو لمونه
كل حاجه خصخصوها
ومصمصوها
قلعوها وملصوها
حلفوا يومها بالتلاته
ان لازم يخربوها
------------
أصله شاطر وابن عز
كل أكله حمام ووز
عنده صحه كات حديد
لمه كله .. و كان شديد
راح وشارك فى الجدار
خلى سعر الطن نار
------------
ولا زرعى فاكهة كانت
أوخضار
كله مزروع فى الصوبات
…

[ قراءة كاملة ]

[center]يا حبيبتى
يا أجمل ملاك
لمى شعورك ضفريها..
وافرديها ...
فوق كتافى فى الميدان
واسحبى رمشك م الحشا
واغرسيه جوه قلبى ..
ازرعيه..
بس بحنان
لأول مره أتوجع تقولى أه
لأول مره تضمينى كدا..
بس كان فات الأوان
كنت لازم يعنى اموت
كنت لازم أتحبس جوه التابوت
ما انا كنت قدامك ..بجرى وبتنطط
هوه لازم يعنى اموت
لجل تعرفى مقدار غلاوتك
هوه لازم أندبح وسط الميدان
عشان تعرفى إنى بحبك
أدينى مت ...
أدينى مت عشان تعيشى
…

[ قراءة كاملة ]

[size=24]فى الميدان ثوره وشباب
فى الميدان خدنا التمام
واللى غاب
واقف بيحرس ثورته
على كل باب
فى الميدان
الكل جه حسب المعاد
والحكايه مش عناد
الحكايه ظلم عشش ع الخلايق
والفساد...
طول سنين الهم ناهش
كل خير جه للبلاد
طول شتانا البرد نخور
فى العضام
والعظام ...
باعوا غازنا لليهود
كل يوم مواسيره تنقل
خيرنا كله ع الحدود
لجل يدفا الصهاينه من دمانا
والأمانه...
طظ فيها الشعب طيب
راضى دايما بالقليل
لجل أطفال …

[ قراءة كاملة ]

مع ان انا ميت م الجوع
والفقر نخور فى عضامى
جلد على ضلوع
لكنى متأكد لسه إن الموضوع
كله سحابه وهتعدى
فى يادوب أسبوع
وابات ف ليله متعشى
وامشى منشى
كدا طخطروان
الدنيا دى يوم فى العالى
ويوم فى الواطى
واللى بطاطى
هيعيش غلبان
أصلك وأصلى لا فى الهدمه
ولا فى اللقمه
الأصل يجى مع الهمه
وخليك إنسان
دا انا كل ليله ابات مغلوب
والجيب مقلوب
وتحت راسى مخدتى طوب
لكن محبوب
وبحب الناس
الجوف دا خاوى ولا ناوى
…

[ قراءة كاملة ]

لما طقطق طقطقونا
كسرونا وفشفشونا
لما قرفص قرفصونا
رصصونا وعشقونا
وبقروضهم قرقضونا
هجوا بيها وفلسونا
من زمان القصه هيه
وكفر طرمخ مبتليه
باللى دايما يخربوها
ياكلوا فيها ويشربوها
رغم سن اليأس لكن
لسه برضه بيرضعوها
رغم ان الضرع ناشف
لسه تانى بمصمصوها
كفر طرمخ كفر طيب
كله هيصه وزمبليطه
والأمانى فيه عبيطه
اللى نفسه بس بوسه
واللى بحلم بالعروسه
واللى كيفه كان هاريه
ليل نهار بيهد فيه
كفر تعلب جنب منهم
…

[ قراءة كاملة ]

حبركوش .. مرتكوش
أوعى وشك ما تشوفـــوش
يا معيــن المحتاجين
يا مداوى المجروحين
طل يالا تعالى واحضــر
دى الحجارة معاك تبوش
حبركوش .. مرتكوش
اوعى وشك ما تشوفوش

أيه يا حاج حكايتك أيه
جـــى عايــز كام جنيـــة
ولا عايز طفل لابنك
قوللى مالك جى ليه
فى جيران تاعبين عيونـــــك
ولا زوجــــة مطهقـــاك
هوة يوم هيبوسوا ايدك
يجوا ليك طالبين رضاك

هاتللى بس حمامه سودا وكام ريال
هاتللى كيلو كباب وكـــفتـــه
…

google_protectAndRun("ads_core.google_render_ad", google_handleError, google_render_ad);

[size=21]مات الكلام لما ابتدى أول حروفه بقسوته
مات الكلام قبل الكلام لما بان غدرة فى نيته
مات الكلام وراح الأمان .....
ونسي اللي كان أول ما كان تايه وضايعة ضالته
حتى الفــــــراق على قلبى هان .......
ومين اللي قاله ومين اللي عادله ومين مسح له دمعته
وبعت خلاص كل ذكرى كل همسة لحبنا
وصدق كلام غير الكلام …